首页 > 英超直播

英超榜尾白热化 前4竞逐有点夸

专栏,足球,梁冠聪

究竟般尼茅夫同阿士东维拉能唔能够逃出新天? Photo Credit: AstonVilla Twitter

距离今季英超落幕仲有3场比赛,早前榜尾诺域治以0:4大败俾韦斯咸后,成为今季首队降班嘅同时,第5次英超降班亦係历史上最多次数嘅球队。至于喺降班区域嘅般尼茅夫同阿士东维拉情况仍然非常危险,除咗靠自己之余,仲要寄望韦斯咸同屈福特失分。另外,争逐来季欧联席位嘅车路士、李斯特城及曼联早前同样失分,搞到前4形势可以话七国咁乱!

专栏,足球,梁冠聪

诺域治确定今季降班,史上第1队经历5次英超。Photo Credit: Norwich Twitter

状态无起色 防守成致命

一队进攻出色嘅球队,能够赢到一场比赛;一队防守出色嘅球队,能够赢到一个冠军。今季英超最尾3队都係失波最多,诺域治失68球、阿士东维拉失65球、般尼茅夫失62球,数据直接反映事实,唔能够解决防守问题係最大致命伤。撇除球员质素以外,防线整体合作性、球员互相补位及包抄意识、对应边路传中波能力、集中度等等全部都有好大改善空间。不过,如果一讲失波就矛头直指防线同守门员嘅话,未免太唔公平。其实,中前场球员遮线、对波、对位、以致阻止对方踢快速反击都係一种防守贡献,今季诺域治、阿士东维拉同般尼茅夫中前场欠缺紧密度,令前中后三线唔可以保持适当距离,难以协助队友製造人多打人少防守区域。当所有情况都同其他队差小小,加加埋埋就係差好多,因此,绝对唔可以忽视场上每一个细节。

专栏,足球,梁冠聪

基奥特对诺域治顶入致胜一球,连续三场正选都有波入。Photo Credit: Chelsea Twitter

车仔形势较佔优 绝对不能靠对手

自己嘅事,自己做返,永远都唔好假手于人。嚟到季尾争逐下届欧联资格非常激烈,车路士(64分)、李斯特城(59分)同曼联(59分)争2个位置,车路士啱啱赢咗诺域治稍微佔上风,李斯特城同曼联会喺最后一场比赛对碰就最为关键!论3支球队近况各有千秋,车路士实而不华同稳中求胜踢法较为被动,每场都係「鱼生粥,紧紧熟」嘅味道,余下两场比赛要面对浪队同利物浦,至少要赢一场先可以确保欧联资格;李斯特城复赛之后表现惨不忍睹,踢咗6场赢得1场,搞到现时形势非常狼狈,之后仲要硬撼锡菲联、热刺同曼联,情况最为令人担心;曼联累计各项赛事19场不败,但早前被修咸顿尾段逼和错失升上第3位机会。领队苏斯克查连续五场派出同一正选出战,征战频密下明显见到球员有疲态,嚟紧将会面对水晶宫、韦斯咸同李斯特城,苏B真係要谂下计仔点样作出轮换而有好成绩。

专栏,足球,梁冠聪

奥巴芬美上场95分47秒入波,令曼联痛失2分。Photo Credit: OptaJoe Twitter

姑勿论最终成绩同排名如何,今年每支球队同每个球员都面对前所未见嘅困难,球队要处理营运问题,球员要面对状态问题,即使将来仍会面对重重难关,我深信我哋一定能够迎难而上,就算场波几难踢,就算场波係逆境波,都一定要踢落去!

本文由英超直播本文由开拓者vs湖人提供 http://www.jmsporting.com/kaituozhe本文由达拉斯独行侠提供 http://www.jmsporting.com/NBA/duxingxia0提供 http://www.jmsporting.com/yingchaozhibo
本文来源: 网友DW 文章作者: 网友DW
    下一篇