首页 > 意甲直播

巴黎奇蹟闯4强 阿特兰大好鬼伤

足球,football,专栏

巴黎圣日耳门惊涛骇浪之下晋级4强!(Photo Credit: Paris Saint-Germain Twitter)

149秒对你来讲係咩慨念?2分钟29秒?149秒喺篮球世界属于非常充裕嘅时间,如果喺足球世界可以做嘅嘢其实唔太多,不过,如果你係巴黎圣日耳门嘅球迷,当然唔会认同我嘅讲法。寻晚PSG上演惊天大逆转,比赛末段用咗149秒反胜阿特兰大,成为第一队晋身欧联四强球队!

足球,football,专栏

阿特兰大奋战下惨被绝杀,但整体表现经已赢尽所有球迷掌声!(Photo Credit: Atalanta Twitter)

赢了经验 没有输尊严

要讲PSG点样反胜之前,大家绝对要比最大尊重阿特兰大所有职球员。由今季意甲第3位冲线,全季攻入98个联赛入球,各项赛事累计超过100个入球,再到欧联小组赛最后三轮抢到7分跻身16强。淘汰赛击败华伦西亚到寻晚大战PSG,球队一如以往踢出风格,不论製造攻势及反击都有一定威胁性。不过,最可惜嘅係球队欠缺板凳深度及经验,柏沙历早段入波唔能够维持到完场,莫大原因同球队后半段体力不继,以及战术调整变得保守有莫大关係。长城非一日建成,球队非一季建立,希望各位阿特兰大球迷继续支持佢哋,如果你未係佢哋嘅球迷,呢队波真係值得大家留意!

足球,football,专栏

尼马(左)同安巴比绝对係呢场比赛关键球员!(Photo Credit: Neymar Twitter)

永不放弃搵入波 圣日耳门就得咗

球员个人能力同球队板凳深度係呢场比赛决胜负关键,当PSG落后时候,教练杜曹可以选择换入安巴比、卓普慕廷及达斯拿等攻击能手,加强中路及边路爆破能力,而两个入波关键细节位同样源自于「身后波」同「盲眼位」。

首先我哋睇一睇第1个失波嘅过程(图4至图6),当卓普慕廷由边线大波入中(图4),阿特兰大球员防守位置并无太大错误,唯一挑剔係达利华(最右蓝圈)与左中坚卡达拿(右二蓝圈)距离较远;其后当卓普慕廷尝试传中嘅时候(图5),防守球员位置错漏百出,显然地过于集中望住个波,而非进攻球员,到最后马昆奴斯喺门前轻鬆射入(图6)。

足球,football,专栏

图4

足球,football,专栏

图5

足球,football,专栏

图6

去到第二个失波嘅情况,PSG呢个进攻源自于一个反击机会,因此,阿特兰大球员没有太多时间準备,经过连续几次都唔能够解围,当尼马有波在脚嘅时候,安巴比尝试「走身后」突破防线(图7),柏路文奴(最左蓝圈)尝试改变自己跑动方向经已姗姗来迟,卡达拿(左二蓝圈)亦未能够喺最适当位置保护及包抄柏路文奴。最终,安比巴轻鬆横传俾门前卓普慕廷射入,PSG因而上演绝地反胜。

足球,football,专栏

图7

一日未完场一日都未知结果,两对球员嘅努力造就一场精彩比赛,足球比赛就係咁残酷,总要分出胜负,恭喜巴黎圣日耳门自1995年来首次晋身欧联四强。其余欧联八强比赛包括RB莱比锡对马德里体育会、巴塞隆拿大战拜仁慕尼黑,以及曼城对里昂,即管睇吓最终欧联同欧霸冠军会係花落谁家。

本文由意甲直播吧提供 http://www.jmsporting.com/yijiazhibo
本文来源: 网友DW 文章作者: 网友DW
    下一篇