首页 > 西甲直播

【体路专栏】西甲打吡的启示 联赛冠军睇定啲

美斯同沙治奥拉莫斯绝对係现时两间球会象徵

今个星期相信各位球迷茶余饭后都係讨论紧曼联后卫哈利麦佳亚使出嘅迷魂锁係来自边一个门派,利物浦中场法宾奴嘅12码,究竟係咪真係12码呢?视像助理裁判(VAR)再次成为众人焦点,有啲情况VAR主球证认为冇问题就唔会叫主球证进行覆核,但事实上一而再再而三嘅事例证明,包括上周云迪克受伤事件及今周哈利麦佳亚12码,主球证的确需要利用覆核,不能单纯倚赖VAR主球证,以减少场上出现两位判决者,影响球赛公平性。

上周国家打比两队正选出场阵容

失色国家打吡战 改朝换代难避免

讲到呢度,大家都可能仲会谂紧嗰两个波嘅判决啱唔啱?似乎大家好似遗忘咗今周西甲国家打吡战El Clásico,最终皇家马德里作客以3:1击败巴塞隆拿,施丹带领球队作客鲁营球场出战录得3胜3和不败成绩,同时令皇马喺史上对赛往绩以97场超越巴塞隆拿(96)。过去嘅El Clásico星光熠熠,赛前讨论话题大多数比较两队球员身价同人工,每位球星身怀咩嘢绝技,就算凌晨两、三点先开波,都係当日最瞩目之战。

无美斯嘅巴塞隆拿究竟会係点呢?

不过,随着近年C朗拿度转战意甲,两队亦开始重整架构及改朝换代,尼马、苏亚雷斯、加利夫巴尔、占士洛迪古斯等巨星相继离队。对于巴塞隆拿来讲,佢哋面临失去美斯嘅问题,究竟球队战术係咪仲坚持以美斯为中心?我认为佢哋需要重新制定比赛风格,更需要对自家青训球员给予肯定。对于皇家马德里来讲,佢哋所面对嘅问题较巴塞少,华拉尼、费达历高华维迪及云尼素斯绝对係球队未来主力,嚟紧要做嘅係寻找沙治奥拉莫斯同宾斯马接班人,当然最重要嘅係用成绩证明佢哋仍然係世界顶尖球队。

云尼素斯(左)同法迪有望成为球队未来icon

球员敌不过年龄,球队敌不过改朝换代,作为球员必须要面对现实,究竟当刻自己能够为球队作出咩贡献?可以为球队带嚟咩正面影响?清楚了解自己喺球队嘅定位,能够付出几多,的确係每位球员无时无刻都需要考虑嘅问题!

本文由西甲直播免费观看提供 http://www.jmsporting.com/xijiazhibo
本文来源: 网友DW 文章作者: 网友DW
    下一篇